Prodhues mobiliesh për tregtarë, sallone ekspozimi dhe dyqane online

AVERA është prodhues mobiliesh në pronësi familjare për tregtarë dhe dyqane online, me prodhimin e vet në Tetovë, Maqedonia e Veriut. Prodhojmë kuzhina, garderoba dhe mobilie për dhoma gjumi, ndenjeje dhe banjo, në masat dhe finiturat tuaja, të montuara ose flat-pack, të dërguara në magazinën tuaj. Për një SKU, çmimi me dërgesë vjen brenda tri ditëve pune.

Kërkoni çmimin me dërgesë Caktoni një bisedë

Kuzhinë e bardhë kompakte me element të sipërm me dyer xhami me vija dhe fund muri në pamje guri.

Gama për sallone ekspozimi dhe dyqane online, sipas specifikimit tuaj

Mobilje banjo e montuar në mur në ngjyrë lisi, me dy sirtarë, një derë dhe blat të bardhë me lavaman të integruar.

Nuk kemi gamë në stok dhe nuk publikojmë listë çmimesh. Çdo gamë nis nga vizatimet tuaja, fletët tuaja të specifikimit ose një produkt që e shisni tashmë. Mund të jetë një linjë me emrin tuaj, ose një burim i dytë furnizimi krahas furnitorit tuaj aktual të mobilieve.

Gjithçka bëhet në prodhimin tonë në Tetovë, një ditë udhëtimi nga Evropa Qendrore: panelet priten, përpunohen me CNC, kantohen, shpohen, montohen kur produkti e kërkon dhe paketohen për eksport. Ju punoni drejtpërdrejt me prodhuesin.

Blloqe kuzhine, nga kuzhina të vogla deri te kuzhina me gjatësi të plotë; elemente të poshtme, të sipërme dhe të larta në përmasat e gamës suaj
Garderoba me dyer klasike dhe rrëshqitëse, në përmasa standarde ose sipas masës, si dhe sisteme walk-in
Krevate me bazë për depozitim, komodina, komoda me sirtarë dhe tavolina tualeti
Mure TV, bufe, rafte librash, tavolina ngrënieje dhe tavolina pune
Elemente banjoje të varura, këpucore, panele me varëse për rroba dhe dollapë për lavanderi

Të montuara për sallonin e ekspozimit, flat-pack për pako dhe paleta

Për çdo SKU dakordohet nëse vjen i montuar apo flat-pack, sipas asaj që i përshtatet logjistikës suaj. Elementet flat-pack janë projektuar për vetëmontim, me panele të parashpuara dhe lidhëse ekscentrike me kunja ose me vida. Çdo pjesë ka etiketën e vet, kështu që kur një klient telefonon për një panel, shërbimi juaj i klientëve e di saktësisht për cilën pjesë bëhet fjalë.

Lidhëset dhe përmasat e kartonave i shpjegojmë te faqja Programe flat-pack, ndërsa shitjen nën markën tuaj te faqja Markë private.

Marka juaj, kodi SKU dhe barkodi në çdo karton
Mbrojtje qoshesh dhe paletizim për transport me pako ose paleta
Një qese aksesorësh për çdo njësi
Udhëzime montimi si PDF dhe skedarë gati për shtyp
Plane ngarkimi për paleta dhe kontejnerë, me disa dizajne në të njëjtin kontejner

Nga linja me çmim hyrës te linja premium, nga i njëjti prodhues

Dizajn dhome ndenjeje me njësi TV pezull dhe mur me panele.

Pllaka, frontet, sipërfaqja e punës dhe aksesorët përcaktohen për çdo linjë produkti, kështu që i njëjti prodhim mund të ndërtojë si gamën që e reklamoni me çmim, ashtu edhe gamën që e shisni për finiturën. Tri nivelet më poshtë janë shembuj dhe konfirmohen për çdo program në ofertën me shkrim.

Edhe dekoret, si e bardhë, kashmir, jeshile sherebele, grafit, lis natyral, lis i tymosur, arrë dhe gri guri, janë shembuj; gamat e plota vijnë nga furnitori i pllakave që zgjidhni ju. Klasa e emetimit dhe certifikatat konfirmohen me ofertën, prandaj na tregoni që në kërkesë çfarë ju duhet për tregun tuaj. Me kërkesë mund të punojmë me markat Egger, Kronospan, Kaindl, Blum, Hettich, Grass dhe Fundermax.

Bazë: fronte melaminë njëngjyrëshe ose me dekor druri, sipërfaqe pune laminat, mentesha me mbyllje të butë, doreza shufër
Plus: fronte melaminë mat ose me teksturë, ose me folie, laminat me listelë muri përkatëse, mentesha dhe sirtarë me mbyllje të butë, profil J ose doreza shufër
Premium: fronte llak, akrilik ose rimeso, laminat kompakt ose me efekt guri, sirtarë me hapje të plotë, sisteme ngritëse, profile pa doreza, LED i integruar

Si zhvillohet porosia e një tregtari

Halla e prodhimit të AVERA me linjë CNC në Tetovë

Kërkesa: dërgoni një SKU (vizatim, fletë specifikimi ose lidhje produkti) me sasinë për porosi dhe për vit, adresën e magazinës, datat e synuara, kërkesat për paketim dhe etiketim, si dhe certifikatat që kërkon tregu juaj.
Çmimi me dërgesë: brenda tri ditëve pune nga kërkesa e plotë, pa asnjë detyrim, merrni çmimin për njësi me dërgesë në magazinën tuaj, paketimin, afatin për porosinë e parë dhe për porositë e përsëritura, planin e pagesës dhe vlefshmërinë e ofertës. Çmimet konfirmohen pas një rishikimi teknik të vizatimeve ose të një mostre.
Mostra dhe seria: prodhohet një mostër ose një seri e vogël prove për miratimin tuaj me shkrim, dhe ajo fikson materialet, aksesorët, finiturat dhe konstruksionin. Përmasat, kantet, aksesorët dhe finitura kontrollohen sipas saj para se malli të dalë nga prodhimi, dhe para çdo dërgese merrni një raport me foto.
Dërgesa dhe porositë e përsëritura: kamion i plotë ose grupazh në BE dhe Ballkanin Perëndimor, kontejner për Mbretërinë e Bashkuar dhe shtetet e Gjirit, me dokumentet e eksportit për rrugën përkatëse, përfshirë EUR.1 për dërgesat në BE. Porositë e përsëritura prodhohen sipas të njëjtit specifikim.

Zakonisht paguhet një paradhënie me konfirmimin e porosisë dhe pjesa tjetër para dërgesës. Kërkoni çmimin me dërgesë për një SKU

Shembull specifikimi për një program tregtar

Konfigurime shembull. Përmasat, konstruksioni, finiturat, paketimi në kartona dhe specifikimi përfundimtar përcaktohen për çdo SKU dhe konfirmohen në ofertën me shkrim.

Shembull specifikimi për një program tregtar
Njësi shembull	Bllok kuzhine 1800 mm, garderobë me dyer klasike 1500 mm, komodë 1200 mm, bufe 1800 mm, tavolinë pune 1400 mm, element banjoje 800 mm
Pllakat	Pllakë ashklash e veshur me melaminë, 16 ose 18 mm; pllakë rezistente ndaj lagështisë për elemente banjoje dhe kuzhine; MDF për fronte të llakuara, të veshura me folie dhe të frezuara
Frontet	Melaminë, folie, akrilik, llak sipas RAL ose NCS, ose rimeso natyrale sipas projektit
Kantet dhe aksesorët	Kante ABS nga 0,8 deri 2 mm; mentesha me mbyllje të butë, sisteme sirtarësh dhe ngritëse; doreza shufër, profile J ose fronte pa doreza
Porosia minimale	Dizajnet e programeve nga 10 njësi për dizajn; markë private dhe dizajne me porosi nga 20; dizajnet mund të kombinohen
Dërgesa	Kamion i plotë ose grupazh në BE dhe Ballkanin Perëndimor, kontejner për Mbretërinë e Bashkuar dhe Gjirin; EUR.1 për dërgesat në BE; mallin mund ta tërhiqni vetë, me kërkesë
Garancia	24 muaj nga dërgesa për defekte prodhimi, në përdorim normal

Pyetje që bëjnë tregtarët dhe shitësit online

A mund të prodhoni një produkt që tashmë e blejmë nga një furnitor tjetër?

Po. Dërgoni lidhjen e produktit ose fletën e specifikimit me sasinë e porosisë dhe adresën e magazinës, dhe krahasoni çmimin tonë me dërgesë me atë që paguani sot. Çmimet konfirmohen pas një rishikimi teknik të vizatimeve ose të një mostre.

Cila është porosia minimale dhe a mund të kombinohen disa dizajne në një porosi?

Porositë e programeve nisin nga 10 njësi për dizajn, ndërsa gamat me markë private dhe dizajnet me porosi nga 20 njësi për dizajn. Një porosi mund të përfshijë disa dizajne, kështu që një SKU i ri mund të udhëtojë bashkë me linjat që i riporositni rregullisht. Sasia provë për çdo SKU dakordohet pas rishikimit teknik.

Sa zgjat porosia e parë?

Afati varet nga finiturat dhe sasia. Për porosinë e parë, mostra ose seria e vogël e provës prodhohet dhe miratohet para se të nisë prodhimi në seri. Afati për porosinë e parë dhe për porositë e përsëritura shënohet bashkë me çmimin me dërgesë, ndërsa oferta me shkrim konfirmon incoterm-in dhe kohën e tranzitit.

Çfarë ndodh nëse një klient raporton një pjesë me defekt?

Mobiliet korpusi kanë garanci për defekte prodhimi 24 muaj nga dërgesa, në përdorim normal, dhe garancia mbulon riparimin ose zëvendësimin e pjesës me defekt. Ajo përjashton konsumimin, dëmtimet nga lagështia, montimin e gabuar nga palë të treta dhe kushtet e objektit jashtë specifikimit. Meqë çdo pjesë është e etiketuar, shërbimi juaj i klientëve mund të na tregojë saktësisht cili panel është prekur.

Po nëse një dërgesë mbërrin e dëmtuar?

Shënoni çdo dëmtim të dukshëm nga transporti në dokumentet e dërgesës dhe na e raportoni brenda 48 orëve me fotografi. Kushtet e dërgesës dhe momenti kur rreziku kalon te ju ndjekin incoterm-in e shënuar në ofertën tuaj.

A do t’ua shisni dizajnet tona tregtarëve të tjerë?

Jo. Vizatimet që na jepni mbeten në pronësinë tuaj dhe përdoren vetëm për porositë tuaja, siç përcaktohet në kushtet tona të bashkëpunimit.

Brenda tri ditëve pune merrni çmimin deri në magazinën tuaj për një SKU nga gama juaj.

Zgjidhni një produkt që e riporositni dhe dërgoni vizatimin, fletën e specifikimit ose lidhjen e produktit me sasinë e synuar dhe adresën e magazinës. Merrni çmimin me dërgesë dhe një propozim për mostër, për ta krahasuar me furnitorin tuaj aktual, pa asnjë detyrim.

Kërkoni çmimin me dërgesë Caktoni një bisedë